A Xornada de benvida para o estudantado de 1º curso terá lugar o 6 de setembro en modalidade presencial (no salón de Actos Marie Curie do Edificio Politécnico).
Na xornada de benvida o estudantado recibirá información da Biblioteca, do Centro de Linguas, do Gabinete Psicopedagóxico, de Extensión Universitaria, da Delegación de estudantes, do Servizo de Deportes, da Oficina de Voluntariado, e da Oficina de Relacións Internacionais para explicar os servizos que ofrecen e os principais programas que xestionan. Esta primeira toma de contacto rematará cunha visita guiada polo campus de Ourense por parte do equipo directivo do centro e persoal docente.
Obxectivos
- Facilitarlle ao novo estudantado o tránsito e adaptación á vida universitaria.
- Presentarlle os recursos e as ferramentas dispoñibles na Universidade de Vigo e, en particular, na Escola de Enxeñaría Aeronáutica e do Espazo.
- Darlle a coñecer as aulas, laboratorios e instalacións onde recibirán docencia, así como outras infraestruturas do campus de Ourense.