Claudio Cerdeiriña Álvarez

Breve CV

Dezaoito anos como docente de materias correspondentes á formación de licenciados en Física: Física Estatística, Termodinámica, Ampliación de Termodinámica, Física do Estado Sólido, Introducción á Física dos Materiais, Física do Estado Líquido, Historia da Física, Laboratorio de Mecánica, Laboratorio de Termodinámica e Laboratorio de Electromagnetismo. Cinco teses de doutoramento dirixidas. Vintedous anos de traxectoria na UVigo investigando no eido da Física. Máis de 60 artigos publicados en revistas científicas especializadas. A súa actividade actual céntrase en traballo teórico e experimental, no marco da investigación básica, de diversos aspectos da “Física da Materia Condensada Branda”: modelos mecano-estatísticos tipo Ising para sistemas fluidos e fenómenos críticos; física da auga subenfriada; efectos hidrofóbicos; e termodinámica de proteínas. “Personal Docente e Investigador” da UVigo (1998-); “Investigador Visitante” na UNAM (2001, 2005); “Visiting Scientist” nas Universidades de Maryland (2005), UCLA (2007) e Cornell (2013, 2014, 2016); “Visiting Fellow” na Universidade de Princeton (2010).