Logotipo Universidade de Vigo

Seleccione su idioma

10/04/2026

A Escola de Enxeñaría Aeronáutica e do Espazo do campus de Ourense celebrou este venres o seu III Foro Alumni. Nel, egresadas e egresados do centro volveron a el para contarlle ao seu actual alumnado como está sendo as súas traxectorias profesionais. A actividade estivo organizada con motivo do 12 de abril, Día Internacional dos Voos Espaciais Tripulados, destacando a directora do centro, Nieves Lorenzo, a pertinencia desta celebración tendo en conta o lanzamento estes días da misión á Lúa Artemis II.

O acto arrancou dándose a coñecer a resolución do concurso fotográfico da Escola de Enxeñaría Aeronáutica e do Espazo Aerovisión 2026. Nel convidábase ás persoas interesadas a presentar as súas mellores imaxes no ámbito aeronáutico e/ou espacial. En total presentouse unha vintena de obras, concedéndose tres galardóns. O primeiro premio, dotado cun dron, foi para o fotoxornalista Iñaki Abella, pola fotografía Línea de fuego. O segundo, dotado cun telescopio, recaeu en José Luis Neira, pola imaxe La Patrulla Águila. Por último, concedeuse un terceiro premio, dotado cuns prismáticos, a Nicolás Outón, pola peza Air Canada Vortex.

Ler a nova completa no DUVI